ལས་ཁུངས་ངོ་སྤྲོད།

བཀའ་བློན་ཆུ་སྐྱ་སྦྲ་གཉིས་ཚེ་རྒྱལ་མཆོག་གི་ལོ་རྒྱུས་སྙིང་བསྡུས།

༄༅། །ཆོས་རིག་བཀའ་བློན་ཆུ་སྐྱ་སྦྲ་གཉིས་ཚེ་རྒྱལ་མཆོག་ནི། ཕྱི་ལོ་ ༡༩༦༦ ཟླ་བ་ ༠༢ ཚེས་ ༠༢ ཉིན་འཁྲུངས་ཤིང་། རྡོར་གླིང་གཏན་སློབ་ནས་འཛིན་རིམ་ ༡༢ ཐོན་རྗེས་ཕྱི་ལོ་ ༡༩༨༩ ལོར་རྡོར་གླིང་མཐོ་སློབ་ (Government College) ནས་ཉེ་བའི་གཙུག་ལག་རབ་འབྱམས་པ་ (B.A.) ཐོན། མཐོ་སློབ་འགྲིམས་སྐབས་ཨིན་ཡིག་མཛུབ་གནོན་ལྕགས་པར་ཟླ་གྲངས་ ༡༠ ཟུར་སྦྱོང་ཐོན། རྡོར་གླིང་གཏན་སློབ་ཏུ་འཛིན་རིམ་ ༡༡ སྐབས་ཤེས་རིག་ལས་ཁུངས་ནས་བུམ་སྐྱོན་གསུམ་འབྲེལ་གྱི་རྟགས་མའམ་བྱ་དགའ་གསོལ་སྩལ་བྱུང་། གཏན་སློབ་ཀྱི་བུའི་སྤྱི་པའི་རྒན་བདག་དང་སློབ་གྲྭའི་ས་གནས་གཞོན་ནུའི་རུ་ཁག་གི་འཐུས་མིའི་ལས་ཁུར་ཞུས།
ལས་ཁུར་ཞབས་ཞུ་ཇི་ཞུས།
༡། ཕྱི་ལོ་ ༡༩༩༡ ཟླ་བ་ ༡༠ ཚེས་ ༡༠ ནས་ཕྱི་ལོ་ ༡༩༩༣ ཟླ་བ་ ༠༩ ཚེས་ ༣༠ བར་ཤེས་རིག་ལས་ཁུངས་སུ་རང་ཁོངས་ལས་བྱེད་ཞུས།
༢། ཕྱི་ལོ་ ༡༩༩༣ ཟླ་བ་ ༡༠ ཚེས་ ༡ ནས་དྲུང་གཞོན་ལས་རོགས་ཀྱི་གནས་རིམ་དུ་འདེམས་རྒྱུགས་ཀྱི་ལམ་ནས་ཚུད་དེ་གཞུང་ཞབས་གསར་བསྐོ་གནང་རྗེས་འཕྲོད་བསྟེན་ལས་ཁུངས་སུ་ལས་འགན་བཀོད་སྒྲིག་གནང་།
༣། ཕྱི་ལོ་ ༡༩༩༧ ཟླ་བ་ ༠༥ ཚེས་ ༠༩ དྲུང་གཞོན་དུ་གནས་སྤར་གྱིས་འཕྲོད་བསྟེན་ལས་ཁུངས་སུ་བསྐོ་གཞག་གནང་།
༤། ཕྱི་ལོ་ ༢༠༠༠ ཟླ་བ་ ༠༩ ཚེས་ ༠༡ ནས་ཌལ་ཧོར་བཟོ་འགོ་དང་ས་གནས་འགོ་འཛིན་གཅིག་ལྕོགས་སུ་གནས་སྤོས་བསྐོ་གཞག་གནང་།
༥། ཕྱི་ལོ་ ༢༠༠༢ ཟླ་བ་ ༠༧ ཚེས་ ༠༨ ནས་ཟུང་དྲུང་གནས་སྤར་གྱིས་ནང་སྲིད་ལས་ཁུངས་སུ་གནས་སྤོས་བཀོད་སྒྲིག་གནང་།
༦། ཕྱི་ལོ་ ༢༠༠༤ ཟླ་བ་ ༠༦ ཚེས་ ༡༠ ནས་འཕྲོད་བསྟེན་ལས་ཁུངས་ཀྱི་ཟུང་དྲུང་དུ་གནས་སྤོས་བཀོད་སྒྲིག་གནང་། འཕྲོད་བསྟེན་ལས་ཁུངས་ནས་ཁྱབ་ཁོངས་སྡེ་ར་ལྡུན་མངོན་དགའ་བོད་ཕྲུག་དམིགས་བསལ་དགོས་མཁོ་ཅན་གྱི་སློབ་གྲྭའི་འགན་འཛིན་དུ་གནས་སྤོས་བཀོད་སྒྲིག་གནང་།
༧། ཕྱི་ལོ་ ༢༠༠༩ ཟླ་བ་ ༠༧ ཚེས་ ༠༦ ཉིན་ཕྱི་ལོ་ ༢༠༠༩་་་༡༠ ལོའི་གཞུང་ཞབས་འགན་འཛིན་སྡེ་ཚན་གྱི་ཁོངས་ནས་བྱས་རྗེས་གཟེངས་ཐོན་ངོས་འཛིན་གནང་བའི་གཟེངས་རྟགས་གསོལ་རས་གནང་།
༨། ཕྱི་ལོ་ ༢༠༡༠ ཟླ་བ་ ༠༡ ཚེས་ ༢༠ ནས་དྲུང་འཕར་དུ་གནས་སྤར་གྱིས་འཕྲོད་བསྟེན་ལས་ཁུངས་སུ་གནས་སྤོས་བཀོད་སྒྲིག་གནང་།
༩། ཕྱི་ལོ་ ༢༠༡༤ ཟླ་བ་ ༡༠ ཚེས་ ༠༧ ནས་འཕྲོད་བསྟེན་ལས་ཁུངས་ཀྱི་དྲུང་ཆེ་ལས་ཚབ་ཏུ་བསྐོ་གཞག་གནང་།
༡༠། ཕྱི་ལོ་ ༢༠༡༤ ཟླ་བ་ ༡༠ ཚེས་ ༡༣ ནས་དྲུང་ཡིག་ཆེན་མོར་གནས་སྤར་གྱིས་འཕྲོད་བསྟེན་ལས་ཁུངས་ཀྱི་དྲུང་ཆེར་བསྐོ་གཞག་གནང་།
༡༡། ཕྱི་ལོ་ ༢༠༡༦ ཟླ་བ་ ༠༣ ཚེས་ ༡༥ ནས་ཆོས་རིག་ལས་ཁུངས་ཀྱི་དྲུང་ཆེར་གནས་སྤོས་གནང་།
༡༢། ཕྱི་ལོ་ ༢༠༡༦ ཟླ་བ་ ༠༨ ཚེས་ ༠༡ ནས་འཕྲོད་བསྟེན་ལས་ཁུངས་ཀྱི་དྲུང་ཆེར་གནས་སྤོས་གནང༌།
༡༣། ཕྱི་ལོ་ ༢༠༡༩ ཟླ་བ་ ༠༤ ཚེས་ ༠༨ ནས་བཀའ་དྲུང་ཡིག་ཚང་གི་དྲུང་ཆེར་གནས་སྤོས་གནང་།
༡༤། ཕྱི་ལོ་ ༢༠༢༠ ཟླ་བ་ ༠༢ ཚེས་ ༠༣ ནས་བཀའ་དྲུང་གི་ལས་འགན་ཐོག་ཆོས་རིག་ལས་ཁུངས་ཀྱི་དྲུང་ཆེའི་ལས་འགན་གཅིག་ལྕོགས་བསྐོ་གཞག་གནང་།
༡༥། ཕྱི་ལོ་ ༢༠༢༡ ཟླ་བ་ ༠༨ ཚེས་ ༠༣ ཉིན་ཆོས་རིག་ལས་ཁུངས་ཀྱི་དྲུང་ཆེའི་ལས་འགན་རྩིས་སྤྲོད་ཞུས་ནས་བཀའ་དྲུང་གི་ལས་འགན་ཞུ་མུས་ཐོག་དབུས་གོ་སྟོན་གོ་སྒྲིག་ཚོགས་ཆུང་དང་། ལས་བྱེད་གནས་སྤོ་བཀོད་སྒྲིག་ཚོགས་ཆུང་། ལས་འབོར་ཞིབ་འཇུག་ཚོགས་ཆུང་བཅས་གཙོ་བོར་གྱུར་པའི་ཚོགས་ཆུང་ཁག་ ༡༡ གི་ཚོགས་གཙོའི་ལས་ཁུར་ཞུས་དང་ཞུ་མུས་བཅས་ཁྱོན་ད་བར་རང་ཁོངས་ལས་བྱེད་ལོ་ ༢ དང་། གཏན་འཇགས་གཞུང་བསྐོས་ལས་བྱེད་ལོ་ ༣༣ བསྡོམས་ལོ་ངོ་ ༣༥ རིང་ཞབས་འདེགས་ཞུས་ཡོད།
ཕྱི་ལོ་ ༢༠༢༦ ཟླ་ ༦ ཚེས་ ༣ རེས་གཟའ་ལྷག་པ་ཉིན་ལས་ཁུར་དམ་འབུལ་ཞུས་ཏེ་ཆོས་རིག་བཀའ་བློན་གྱི་ལས་ཁུར་དབུ་བཙུགས་གནང་ཡོད་པ་བཅས།།