༄༅།། འཛམ་གླིང་སྐྱེ་འགྲོའི་བདེ་སྐྱིད་ལ་ཇི་མི་སྙམ་པར་རྒྱ་ནག་སྲིད་གཞུང་གིས་བོད་ནང་བཙན་འཛུལ་བྱས་ཏེ་བོད་ཆོས་ལྡན་གྱི་རྒྱལ་ཁབ་བཙན་བཟུང་བྱས་པར་བརྟེན། ༸གོང་ས་༸སྐྱབས་མགོན་ཆེན་པོ་མཆོག་གིས་སྐྱེ་འགྲོ་སྤྱི་དང༌བྱེ་བྲག་བོད་མིའི་འཕྲལ་ཕུགས་ཕན་བདེ་ལ་དགོངས་པ་ཆེ་བཞེས་ཀྱིས་རྒྱ་གར་འཕགས་པའི་ཡུལ་དུ་༸ཞབས་སོར་འཁོད་འཕྲལ། ཕྱི་ལོ་ ༡༩༥༩ ཟླ་ ༤ ཚེས་ ༢༧ ཉིན་བཞུགས་སྒར་མ་སུ་རིར་དང་ཐོག་༼ཆོས་དོན་ལྷན་ཚོགས་༽ཞེས་པ་གསར་འཛུགས་ཀྱིས་བྲོས་བྱོལ་དུ་ཕེབས་པའི་རིས་མེད་དགེ་འདུན་རྣམས་ལ་གཟིགས་སྐྱོང་དང་། ཆོས་སྡེ་དང་རིག་གཞུང་བསྟི་གནས་བཅས་པ་གསར་འཛུགས་གནང་རྒྱུས་མཚོན། བོད་ཀྱི་ཆོས་དང་རིག་གཞུང་མི་ཉམས་རྒྱུན་འཛིན་དང་ཉམས་པ་སླར་གསོ་བྱ་རྒྱུའི་ལས་དོན་ཆེ་ཕྲ་མང་པོ་བསྐྱངས་པ་ནས་བཟུང་། ཕྱི་ལོ་ ༡༩༨༢ ཟླ་ ༤ ཚེས་ ༢༥ ཉིན་གནས་ཡུལ་རྒྱལ་ཁབ་ཀྱི་ཁྲིམས་སྲོལ་དང་མཐུན་པར་བོད་ཀྱི་རིག་གཞུང་ཚོགས་པ་དང༌། ཕྱི་ལོ་ ༡༩༩༨ ཟླ་ ༦ ཚེས་ ༡༩ ཉིན་བོད་ཀྱི་ཆོས་དང་རིག་གཞུང་ཚོགས་པ་ཞེས་པའི་མཚན་ཐོག་དེབ་བསྐྱེལ་དང་སྦྲགས་མང་གཙོའི་ཁྲིམས་ལུགས་ལྡན་པའི་དབུས་བོད་མིའི་སྒྲིག་འཛུགས་ཀྱི་འཛིན་སྐྱོང་སྡེ་ཚན་ཁོངས་ལྷན་ཁང་ཞིག་གི་ངོ་བོར་༼ཆོས་རིག་ལས་ཁུངས།༽ཞེས་གནས་ཡོད།
དགོས་པ་དང་དམིགས་ཡུལ།
ཐོག་མའི་དམིགས་ཡུལ་བཞིན་བོད་ཀྱི་ཆོས་དང་རིག་གཞུང་མི་ཉམས་རྒྱུན་འཛིན་དང་ཉམས་པ་སླར་གསོའི་དོན་དུ་ཞུ་སྒོ་མཐའ་དག་འགན་འཁུར་ཞུ་རྒྱུ་ནི་ལྷན་ཁང་འདིའི་བཟློག་ཏུ་མེད་པའི་དམིགས་ཡུལ་ཡིན་ཅིང་། དེ་ཉིད་ཕྱིར་དུ་ས་གསུམ་འགྲོ་བ་ཡོངས་ལ་ཕན་བདེ་མ་ལུས་པ་འབྱུང་བའི་གཞི་རྩ་མཉམ་མེད་ཐུབ་པའི་དབང་པོའི་བསྟན་པ་རིན་པོ་ཆེ་དེ་ཉིད་དར་རྒྱས་ཡུན་རིང་གནས་པ་དང༌། བསྟན་པ་དེ་འཛིན་ཀུན་གྱི་གཙུག་ནོར་ལྷར་བཅས་སྲིད་ཞིའི་རྣམ་འདྲེན་༸གོང་ས་༸སྐྱབས་མགོན་༸རྒྱལ་དབང་ཐམས་ཅད་མཁྱེན་ཅིང་གཟིགས་པ་ཆེན་པོ་མཆོག་གི་སྐུའི་གསང་བ་གསུམ་ལ་ཚུལ་བསྟན་གྱི་སྐུ་གེགས་ཕྲ་མོས་ཀྱང་མ་རེག་པར་སྐུ་ཚེ་ྋཞབས་པད་བསྐལ་བརྒྱར་བརྟན་ཅིང༌ཐུགས་ཀྱི་བཞེད་དོན་མཐའ་དག་ལྷུན་གྱིས་འགྲུབ་ཆེད་དམིགས་བསལ་སྐུ་ཕྱྭའི་ཞབས་རིམ་དང་། རིས་སུ་མ་མཆིས་པའིི་བསྟན་འཛིན་གྱི་སྐྱེས་ཆེན་རྣམས་ཀྱང་སྐུ་ཚེ་མཛད་འཕྲིན་རྒྱས་པ་དང་། གྲྭ་བཙུན་སྔགས་གསུམ་གྱི་སྡེ་རྣམས་ཀྱང་ཐུགས་མཐུན་ཁྲིམས་གཙང་གི་སྒོ་ནས་བཤད་སྒྲུབ་ཉམས་བཞེས་འཕེལ་བ། འཛམ་གླིང་ཁྱོན་འདིར་སྙིགས་ལྔའི་རྒུད་པ་མཐའ་དག་མིང་གི་ལྷག་མར་ཞི་ནས་འགྲོ་ཀུན་ཆོས་འབྱོར་བདེ་དགས་འཚོ་བ། བོད་མིའི་སྒྲིག་འཛུགས་ཀྱི་མངའ་ཐང་འབྱོར་པ་རྒྱས་ཤིང་བོད་མིའི་བདེན་མཐའ་མགྱོགས་ནས་མྱུར་དུ་གསལ་བ་སོགས་ལ་དམིགས་པའི་བླ་ལྷའི་ཐུགས་དམ་བཀའ་ལུང་དགོངས་དོན་ཞབས་རིམ་བསྒྲུབ་དགོས་གང་མཆིས་འཚེམས་ལུས་མེད་པར་སྒྲུབ་བཞིན་ཡོད།
ལས་འགན་གཞན་ནི་རིས་སུ་མ་མཆིས་པའིི་བོད་བརྒྱུད་ནང་བསྟན་གྱི་བཤད་སྒྲུབ་བསྟན་པ་མི་ཉམས་གོང་འཕེལ་དང་མཐུན་འབྲེལ་དམ་ཟབ་ཡོང་རྒྱུ་ལ་དམིགས་ཏེ་བོད་ཀྱི་ཆོས་བརྒྱུད་ཆེན་པོ་བཞི་དང་གཡུང་དྲུང་བོན་བཅས་ཀྱི་ཆོས་ཚོགས་རྒྱས་བསྡུས་ཁག་བསྡུ་སྐོང་ཞུ་རྒྱུ་དང་། ༸རྒྱལ་བའི་ལུང་རྟོགས་ཀྱི་བསྟན་པ་བཤད་སྒྲུབ་ལས་ཀྱི་འཁོར་ལོས་མི་ཉམས་རྒྱུན་འཛིན་འབྱུང་ཕྱིར་ཤེས་ཡོན་དང་འབྲེལ་བའིི་རོགས་སྐྱོར། བསྟན་འཛིན་མཁས་གྲུབ་འབྱུང་གནས་ཆོས་སྡེ་ཁག་ཏུ་འདུ་ཁང་དང་གྲྭ་ཤག་སོགས་ཉམས་གསོའི་དོན་དུ་གང་ཐུབ་མཐུན་འགྱུར། ཁ་འཐོར་གྲྭ་བཙུན་དང་མཚམས་བསྙེན་པ། དེ་བཞིན་རང་ལོ་དྲུག་བཅུ་ཡན་གྱི་དགེ་འདུན་པ་རྣམས་ལ་འཚོ་སྣོན། སྐྱ་བོའི་མི་མང་རྣམས་ལ་ནང་དོན་རིག་པ་ངོ་སྤྲོད། དགོས་གལ་འབྱུང་ཚེ་ཉམས་ཞིབ་ལས་དོན་སྐྱོང་རྒྱུ། ཕྱོགས་མཚུངས་རྒྱ་གར་དང་ཕྱི་རྒྱལ་ཚོགས་སྡེ་ཁག་ལ་འབྲེལ་གཏུགས་ཞུ་རྒྱུ་སོགས་ཡིན།
ལས་ཁུངས་ཀྱི་སྒྲོམ་གཞི།
ད་ལྟའི་འཆར་ལས་ཁུངས་འདིར་ལས་བྱེད་ ༡༥ ཡོད་ཅིང་། འདིར་ ༡༽ འཛིན་སྐྱོང་། ༢༽ ཞབས་རིམ། ༣༽ རིག་གཞུང་། ༤༽ཡིག་མཛོད་བཅས་སྡེ་ཚན་བཞི་རུ་ཕྱེ་ཡོད། འཛིན་སྐྱོང་སྡེ་ཚན་གྱིས་དངུལ་རྩིས་སྟངས་འཛིན་དང་། སློབ་ཡོན་དང་འཚོ་སྣོན་ཁུངས་སྤྲོད། ཆོས་ཚོགས་སོགས་ཚོགས་འདུ་བསྡུ་སྐོང་། ཉམས་ཞིབ་ལས་དོན་མཇུག་སྐྱོང་བྱ་རྒྱུ་སོགས་གནང་བ་ཡིན། ཞབས་རིམ་ཚན་པས་ནི་༸རྒྱལ་བའི་སྐུ་ཕྱྭ་དང་བསྟན་སྲིད་ཞབས་རིམ་འཆར་འཕར་ཁག་དུས་ཐོག་ཇི་བཞིིན་སྨིན་སྒྲུབ་ཞུ་རྒྱུའི་ལས་འགན་སྒྲུབ་ཀྱི་ཡོད། ཡིག་མཛོད་ཚན་པ་ནི་བཀའ་ཤག་སྐབས་བཅུ་གསུམ་པའི་སྐབས་སུ་གསར་གཏོད་གནང་བ་ཞིག་ཡིན་ཅིང་། དེ་ནི་བོད་མིའི་སྒྲིག་འཛུགས་ལས་ཁུངས་མ་ལག་ཡོངས་ཀྱི་ལོ་རྒྱུས་རང་བཞིན་ལྡན་པའི་གལ་ཆེན་ཡིག་ཆ་ཁག་ཉར་ཚགས་གནང་མཁན་དེ་ཡིན། བོད་ཀྱི་ཐུན་མོང་མ་ཡིན་པའི་རིག་གཞུང་ཁག་སླར་གསོ་དང་། རྒྱུན་འཛིན། དར་སྤེལ་ཆེད། ཕྱི་ལོ་ ༢༠༢༠ ལོར་ཆོས་རིག་ལས་ཁུངས་ནང་རིག་གཞུང་སྡེ་ཚན་ཞིག་གསར་བཙུགས་གནང་ཡོད།
བཀའ་བློན་རིམ་བྱོན་གྱི་མཚན་གཞུང་།
ཨང༌། | མཚན། | དུས་ཡོན། |
༡ | ཤན་ཁ་འགྱུར་མེད་བསོད་ནམས་སྟོབས་རྒྱལ། | ༡༩༥༩ ནས་ ༡༩༦༡ |
༢ | ཏ་བླ་མ་ཐུབ་བསྟན་ནོར་བཟང༌། | ༡༩༦༡ ནས་ ༡༩༦༤ |
༣ |
ཀུན་བདེ་གླིང་འོད་ཟེར་རྒྱལ་མཚན། |
༡༩༦༤ ནས་ ༡༩༧༥ |
༤ |
ཐུབ་བསྟན་ཉིན་བྱེད། |
༡༩༧༦ ནས་ ༡༩༧༩ |
༥ |
འཇུ་ཆེན་ཐུབ་བསྟན་རྣམ་རྒྱལ། |
༡༩༧༩ ནས་ ༡༩༨༧ |
༦ |
རྒྱ་རི་བློ་གྲོས་རྒྱལ་མཚན། |
༡༩༨༧ ནས་ ༡༩༨༧ |
༧ |
ཞེ་བོ་བློ་བཟང་དར་རྒྱས། |
༡༩༨༧ ནས་ ༡༩༨༩ |
༨ |
སྐལ་བཟང་ཡེ་ཤེས། |
༡༩༨༩ ནས་ ༡༩༩༦ |
༩ |
ཨ་ལག་ཅྭ་ཡེ་བསྟན་འཛིན་དཔར་འབར། |
༡༩༩༦།༦ ནས་ ༡༩༩༧།༣ |
༡༠ |
ཀིརྟི་རིན་པོ་ཆེ་བློ་བཟང་བསྟན་འཛིན། |
༡༩༩༧།༤ ནས ༡༩༩༩།༣ |
༡༡ |
བསོད་ནམས་སྟོབས་རྒྱལ།(བཀའ་བློན་ཁྲི་པ།) |
༡༩༩༩།༤ ནས་ ༡༩༩༩།༩ |
༡༢ |
བཀྲ་ཤིས་དབང་འདུས། |
༡༩༩༩།༩ ནས་ ༢༠༠༡།༩ |
༡༣ |
ཐུབ་བསྟན་ལུང་རིགས། |
༢༠༠༡།༩།༢༠ ནས་ ༢༠༠༥།༣། |
༡༤ |
བློ་བཟང་ཉི་མ། |
༢༠༠༥།༣།༥ ནས་ ༢༠༠༦།༨།༡༤ |
༡༥ |
ཟླ་རྒྱས་ཚང་ཆེ་རིང་ཕུན་ཚོགས། |
༢༠༠༦།༡༠།༧ ནས་ ༢༠༡༡།༨།༧ |
༡༦ | པདྨ་ཆོས་འབྱོར། | ༢༠༡༡།༩།༡༦ ནས ༢༠༡༦།༥།༢༦ |
༡༧ | གཡུ་ཐོག་ཀརྨ་དགེ་ལེགས། | ༢༠༡༦།༦།༡ ནས་ ༢༠༢༡།༥།༢༦ |
དྲུང་ཆེ་རིམ་བྱོན་གྱི་མཚན་གཞུང་།
ཨང༌། | མཚན། | དུས་ཡོན། |
༡ | མཁན་དྲུང་ངག་དབང་དོན་གྲུབ། |
༡༩༦༠-༡༩༦༣ |
༢ |
བཅོ་བརྒྱད་ཁྲི་ཆེན་རིན་པོ་ཆེ། |
༡༩༦༣-༡༩༦༥ |
༣ |
ངག་དབང་ཆོས་བཟང༌། |
༡༩༧༥-༡༩༧༩ |
༤ |
ཁམས་སྤྲུལ་རེན་པོ་ཆེ་འཇམ་དབྱངས་དོན་གྲུབ། |
༡༩༨༠-༡༩༨༥ |
༥ |
སྐལ་བཟང་ཡེ་ཤེས། |
༡༩༨༥-༡༩༨༩ |
༦ |
ཀརྨ་དགེ་ལེགས། |
༡༩༨༩།༡༢།༥-༡༩༩༣།༡༢།༡༣ |
༧ |
བློ་བཟང་མཁས་གྲུབ། |
༡༩༩༤།༡།༣-༢༠༠༠།༧།༡ |
༨ |
ཀརྨ་དགེ་ལེགས། |
༢༠༠༠།༡༠།༣-༢༠༠༢།༤།༨ |
༩ |
ཨ་མྱེ་ཚང་ཐུབ་བསྟན་བཀྲིས། |
༢༠༠༢།༤།༩-༢༠༠༤།༡༠།༡༣ |
༡༠ |
བཀྲིས་ནོར་བུ། |
༢༠༠༤།༡༡།༢༢-༢༠༠༦།༢།༡༥ |
༡༡ |
ན་མེ་བླ་ཁང་ཚེ་རིང་དོན་གྲུབ། |
༢༠༠༦།༢།༡༦-༢༠༠༨།༨།༢༦ |
༡༢ |
བྱེ་གཞོང་བློ་བཟང་ཚུལ་ཁྲིམས། |
༢༠༠༨།༨།༢༨-༢༠༠༩།༣།༣༡ |
༡༣ |
མགོན་པོ་ཕུན་ཚོགས། ༼དྲུང་ཚབ།༽ |
༢༠༠༩།༤།༡༠-༢༠༠༩།༩།༧ |
༡༤ |
མགོན་པོ་ཕུན་ཚོགས། |
༢༠༠༩།༩།༨-༢༠༡༠།༡༢།༡༥ |
༡༥ | ཆོས་ཁྲི་སྟེང་པ་ངག་དབང་ཆོས་གྲགས། | ༢༠༡༠།༡༢།༡༣-༢༠༡༣ |
༡༦ | སྐྱེད་རྟ་ནོར་བུ་དོན་ལྡན | ༢༠༡༣-༢༠༡༤།༧།༡ |
༡༧ | རྒྱལ་གླིང་དོན་གྲུབ་རྡོ་རྗེ། | ༢༠༡༤།༧།༡-༢༠༡༦།༣།༡༤ |
༡༨ | ཆུ་སྐྱ་སྦྲ་གཉིས་ཚེ་རྒྱལ། | ༢༠༡༦།༣།༡༥-༢༠༡༦།༨།༧ |
༡༩ | བསྟན་འཛིན་ལུང་རྟོགས།(དྲུང་ཚབ།) | ༢༠༡༦།༨།༨-༢༠༡༧།༥།༢༡ |
༢༠ | བསྟན་འཛིན་ལུང་རྟོགས། | ༢༠༡༧།༥།༢༢-༢༠༢༠།༡།༩ |
༢༡ | ཆུ་སྐྱ་སྦྲ་གཉིས་ཚེ་རྒྱལ། (བཀའ་དྲུང་དང་གཅིག་ལྕོགས།) | ༢༠༢༠།༢།༡༩-༢༠༢༡།༨།༣༠ |
མཚོ་སྒོ་ལྷག་པ། | ༢༠༢༠།༦།༢༢ ཉིན་ནས་ལས་འགན་བཀོད་སྒྲིག་ཟིན་ཀྱང་ཏོག་དབྱིབས་གཉན་རིམས་ཀྱི་གནས་སྟངས་འོག་ལས་བཅར་ཞུ་ཐུབ་མེད། | |
༢༢ | ཀླུ་ཁྲི་ཚང་འཆི་མེད་ཚེ་དབྱངས། | ༢༠༢༡།༩།༡-ལས་ཐོག |